想同另一半浪漫一下，一个富有格调同气氛的地方就一定唔少得，想知边处至能够令你同另一半留下甜蜜又难忘的回忆，就等卜卜星同你卜一卜啦！

白羊座
白羊热爱大自然，到郊外拮鸡翼烧o野食就至o岩佢地啦，到时最紧要大献殷勤，烧多几只鸡翼俾佢食，咁佢就自然会食到个心甜丝丝啦！

金牛座
颇有潮流触觉的金牛，去行街街的话就当然系尖沙咀、铜锣湾依D地方啦，但系成日去去到烂晒咁点算呢？一于去InternetCafe上网兼叹茶，包你与伴侣会有个难忘的爱情新体验。

双子座
双子咁钟意睇戏，睇戏就当然系指定节目啦，但如果你同佢睇完戏之后分享一下大家对电影的观点同睇法的话，肯定令佢对你更加欣赏。系边度做"戏"后检讨？最佳的地点就是对方的家。

巨蟹座
巨蟹好想去日本，不过话去就去咩！所以好多时都系得个谂字，系未去日本前，不妨同佢去多些有日本Feelo既地方，又或者食多几次日本菜啦，不过就要小心荷包大减磅喎！

狮子座
消遣其实除了唱K落Bar，仲有好多好地方可以去o架。球场系另一个增进感情的好地方，壁球同网球都系好的选择，狮子咁好动，打波就o岩晒佢地喇。